Uhariri wetu hubaini makosa yaliyojitokeza katika uandishi wako kwa kutumia mbinu ya usomaji wa neno kwa neno, kwa njia za kitaalamu ndani ya mfumo wa Track Changes. Lengo la uhariri ni kuondoa makosa ya uchapaji, kisintaksia, kimofolojia, kisemantiki, kiuakifishaji, mpangilio n.k

Kuna umuhimu mkubwa kwa waandishi kuwa makini wakati wa kuchagua mhariri, ni muhimu mwandishi huru kufahamu kuwa si kila mhariri anaweza kuhariri kazi yako, mhariri ambaye amejikita katika kuhariri vitabu vya watoto ni nadra kuweza kuhariri vitabu vya ujasusi na upelelezi au matangazo ya kibiashara.

Licha ya kuwa mjuzi wa lugha iliyotumika kuandika andiko, pia mhariri anapaswa kuwa na sifa nyingine za ziada, kama vile kuwa mdadisi na mtafiti wa masuala mbalimbali, kuwa ni mwenye kujifunza kila siku, kuwa mshauri nambari moja wa mwandishi, kushirikiana bega kwa bega na taasisi zinazojishughulisha na lugha kama vile BAKITA n.k.

Usisite kuwasiliana nasi ili tushirikiane kuifanya kazi yako bora (kitabu, jarida, tasnifu, tangazo, ripoti n.k) kuwa bora zaidi machoni mwa watu.